按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
有五百一十亿美元；第三系毕非德，有四百亿美元。去年财富增长最快嘅富豪系墨西哥斯利姆，佢所拥有嘅财富由二百亿美元暴增至五百亿美元，成为全球第二位巨富，甚至威胁盖茨嘅地位。根据《福布斯》估计，今年斯利姆慨财富已达五百三十亿美元，有机会超过盖茨成为全球首富！去年九百四十六位超级富豪财富共增加九千亿美元，达到三万五千亿美元；至于八百七十万位百万富豪共拥有三十三万亿美元。上述数字十分惊人。
过去七年油价由十美元一桶升至六十五美元，上升550％；铜价由七十五美仙一度见四美元，依家三点六美元一磅，升幅377％；铀升幅最大，接近十三倍！
金价由二百五十二美元升至六百七十美元，上升160％。业内人士认为，金价经十一周下挫后，本周开始大反攻，因欧洲银行响过去4、5月共出售三十七吨黄金，依家宣布喺9月26日前无意再增加黄金出售量。同期商品价格升幅一般响三倍到五倍。摩根大通预测，金价未来可能升上一千美元（但今年升幅估计只有5。2％）。今年第一季黄金需求升幅最大嘅系印度，共上升50％；麦格理亦加入睇好黄金嘅行列。
根据IMF资料，1996年有78％投资资金来自已发展国家，去年已下降至65％；反之，发展中国家提供嘅投资资金由1996年占全球22％上升到去年嘅36％。1996年贫穷国家只占全球GDP 19％，去年所占比重已上升一倍。虽然OECD国家穷人生活水平未有大幅改善，但贫穷国家嘅人口过去二十五年已大幅脱贫。
美楼市令GDP低增长
美国房地产经纪协会进一步修订今年美国房屋销售，下降4。6％，即六百一十八万个单位（之前估计只减少2。9％）；新屋销售估计下跌18。2％，至八十六万间（之前估计下跌17。8％）；中价楼估计下跌2。3％，至二十四万零八百美元。受物业市场影响，估计今年美国GDP进入低增长率。
新鸿基公司（086）、联合地产（056）、巨涛海洋石油（3303）、联合集团（373）、英皇酒店（296）、禹铭投资（666）、瑞安建业（983）、英皇国际（163）、德泰中华（2324）、TOM集团（2383）、香港体检（397）、宏安集团（1222）、位元堂（897）停牌。
裕元集团（551）6月21日公布业绩。
曹仁超
PDF原文：
原序号：43序号：
43
标题：
畀邓小平讲中
来源：
信报
发布日期：
2007…06…11
全文：
6月10日，周日。今年1月2日至5月29日内地A股上升62％，然后大幅调整，跌幅一度达17％；上周五收市指数已回升唔少，但仍较5月29日低10。2％，或今年1月至今共升45。4％。内地A股过去十八个月上升三倍，股价一早已由供求决定，而非反映公司真正价值，其中一个理由系内地投资者冇得拣，被迫响唔合理嘅A股市场作投资。港人就唔同，蚊年可投资全世界（反而唔能够直接投资内地A股，当然亦唔系冇办法也）。换言之，本港国企及红筹股股价先至反映该公司真正价值。最终应该系内地A股股价追随本港H股股价，而非本港H股股价追随内地A股股价。大家喺分析两者股价前，必须搞清楚两者唔同之处，即内地A股股价只反映供求关系，本港H股股价先至系反映全世界投资者对该股业绩及前景评估嘅结果。
港股进入反覆无常期
上周美国十年期债券孳息率由四厘九六升上五厘一五。英镑十年期债券孳息率更见五厘四嘅九年新高。全球利率向上，加上企业纯利进入低增长期，将系今年下半年股市必须面对嘅局面。今年1月24日恒指曾高见20971点，之后回落至3月5日18659点。3月5日嗰日唔少人亦曾作出过淡嘅分析，但恒指却由3月5日起回升至5月15日21088点；当有人猜测后市可见24000点时，恒指却回落。
其实，后市早已十分清晰今年港股已进入反覆无常嘅状态，应付之道系拣股唔炒市！至于点样拣股，可以话既容易又复杂，主要系搵出大趋势。
毕非德投资格言：一永远唔好输大钱；二、永远唔好忘记第一格言。世上大部分有银士都，系利用上述两大格言建立财富；再简单D讲止蚀唔止赚。自古成功在尝试，爱输才会赢。输唔系乜嘢大件事，问题只在于输几多？我老曹认为系如果输咗投入本金嘅10…15％，一旦超过此百分比便应止蚀离场。至于赚几多？阁下自理。今年你已不能透过投资大蓝筹赚取巨额财富，今年带来财富嘅往往系早期备受忽略嘅二线股。点样利用二线股去赚取巨利？好多时由一个新概念开始。例如2004年中央政府宣布支持造船业，又如去年“十一·五”规划下经济转型，令唔少内地消费股股价狂升。换言之，Think differently about panies系致富之道。
财富系创造出来嘅，唔系赚番来嘅！例如微软成立时，最原始资本只有二万美元，其产品渐渐成为全球个人电脑嘅必需软件，由此可见其市场系几咁大。由此可为微软企业带来几多纯利？令微软股价上升几多？又以近十年苹果电脑为例，由每股四美元升上一百美元，就系因为主席将电脑科技用于音乐录音上，令一个小小嘅iPod可下载过千首歌，完全取代Walkman嘅地位……。近年内地唔少企业努力建立一个庞大零售网，建立自己公司产品嘅品牌地位，佢地都系财富创造者，投资喺呢D财富创造者股份身上，可同佢地一起成长。上述股份系不能用资产净值或P/E去评估嘅。
如沐春风换成夏日热风
投资就系确认呢D公司嘅未来纯利趋势，喺“十字路口”前购入合适股份。一旦趋势改变，自己嘅资产分配就要重新订定，以达到追求最大利润目的。不要让通胀逐步蚕食掉自己嘅财富，策略上每年只须让财富稳定地增值，而毋须冒太大风险。投资就系找寻明日之星，而非追随过气明星。一个上升周期通常可维持三五七年，其中又以三五年为最多，七年较少。因此当一个大趋势已维持咗三五年便应提高警觉。投资之道就系当趋势形成时加入，趋势结束后退出。投机便唔同，由于要喺最短时间内赚取最大利润，往往有时赢有时输，主要系凭经验掌握短期大市变化。
人生嘅悲哀系当自己五十岁时才面对经济衰退，而失去五十岁前所赚番来嘅房屋、储蓄甚至婚姻；上述情况1997至2003年喺香港出现，至今唔少人犹有余悸。当港人饱受通缩蹂躏之后，2003年起又再面对通胀。初期温和嘅通胀率令人如沐春风，渐渐却变成夏日之炎炎热风，令人烦躁。近期通胀率正推高利率，例如美国十年期债券息率上周五曾见五厘二五，收市五厘一二，人们逐渐感受到通胀嘅压力。
格罗斯2000年用咗二百万美元买入英国邮票，喺今年6月11日公开拍卖作慈善用途，共卖得五百万美元，七年升值一点五倍。佢管理嘅Pimco基金（今年市值一千零四十亿美元以投资债券为主），过去七年投资回报率每年只有6。9％！过去七年邮票升幅跑赢债券？上述唔算得乜嘢，上月史丹利以一百八十万美元购入嘅乾隆皇坐椅，1994年只卖四万三千七百美元，十三年升值四十一倍！随着全球百万美元家财嘅富豪数目以几何级数上升，全球收藏品价值升幅往往十分惊人。
至于全球房地产，各国表现都唔同。1997年伦敦物业只系英国人均收入六倍，香港物业却系1997年港人均收入十八倍；今天伦敦物业系英国人均收入九倍，香港物业系香港人今年人均收入十一倍。今年英国楼价同香港楼价后市皆好难估；反之，内地楼价例如上海已系上海人去年人均收入十九倍。短期楼价升降可由animal spirits推动，但长期趋势建基于理性分析。
香港将由先进变落后
人人讲香港回归十年，我老曹都嚟凑吓高兴。1945年第二次世界大战结束后至1997年呢五十二年，香港有如女大十八变，香港由一个几落后嘅渔港渐渐变成世界超级大城市。但1997年7月1日香港主权回归后，却畀邓小平讲中，“五十年不变”也。以人均收入计，今年港人收入同1997年分别唔大；反之，1978年起中国内地却进入女大十八变期。今天中国已亭亭玉立：相信到2028年中国才完成经济高增长期，香港到时又会点？1985年我老曹去东京，当年认为东京样样都较香港先进；1994年嗰年再去东京，认为东京样样嘢太贵（例如食一只日本龙虾刺身相信只有十二两重，收费约一千二百港元，所以认为唔抵），晚上九点东京街上的士已冇人搭（谂唔到2003年香港街上的士亦冇人坐）。2004年我老曹再去日本，感觉日本已有D沧桑尤其系大阪，感觉上连香港亦不如。
1985年我老曹首次踏足日本，认为佢先进，到2004年感觉日本有D沧桑，中国大陆人响2028年会唔会对香港有同样嘅感觉？九十年代初期内地人来港时，曾赞叹香港嘅经济成就。今天渐感觉香港不外如是（如今上海市容已较香港美丽）；二十年后再来香港，会否认为香港已落后？一如今天到纽约、伦敦及巴黎嘅感觉一样，尤其系巴黎，过去对佢存有太多幻想，去年巴黎之行可以讲几失望，不但房屋残旧、街道狭窄、交通混乱；我老曹认为，巴黎一D都唔浪漫，晚上九时街道已死寂，除咗少数酒吧仍在营业外，街上行人冇乜。一个大城市盛衰周期通常二百年。有人认为伦敦、巴黎嘅全盛期系一百年前，纽约、芝加哥喺六十年代、东京喺八十年代、香港九十年代、上海应喺2010年之后。令人担心嘅系，香港会否由1997年前嘅先进，渐渐变成落后？
曹仁超
PDF原文：
原序号：44序号：
44
标题：
二线股变天堂股
来源：
信报
发布日期：
2007…06…12
全文：
6月